{a:baba}

與您分享。最好
無名報童

內地秘製艾未未T恤


內地維權藝術家艾未未神秘失蹤近一個月,至今下落不明,本港唔少關心內地人權狀況嘅組織,好似社民連同支聯會咁,已經發起一波接一波嘅行動,希望爭取內地 盡快釋放呢位到依家都唔知犯咗乜事嘅藝術家。除咗搞抗爭外,社民連近日都印製咗一批艾未未T恤,不過唔講唔知,原來呢批T恤係喺內地印製㗎,真係唔講得 笑。社民連尋日又去到中聯辦示威,其中幾位成員都着住一件紅底白字、兼且印住黑色艾未未肖像嘅T恤。副主席吳文遠話,呢件艾未未T恤盛惠一舊水,暫時印咗一百 件,而為咗降低成本,佢哋一如以往喺內地印製,不過平極成本都要七十蚊件,唔算平,因為要喺香港加工。吳文遠解釋,原本成本就唔使七十蚊咁貴嘅,不過最慘 即使係一直合作開嘅內地廠商,亦唔敢印啲寫住「茉莉花革命」字樣嘅製品,最多只可以側側膊印上艾未未嘅肖像,搞到佢哋要拎晒啲T恤返香港加工印上聲援艾未 未同茉莉花革命等字句,結果令成本大漲。

先印一百件 研究網上訂Tee
社民連今次少少地印咗一百件T恤,暫時只會放喺街站同總部畀人買,不過據聞反應相當唔錯,短短幾 日已經就快售罄。吳文遠話,佢哋以前都印過唔少有政治涵意嘅T恤,不過尺碼唔多,身材比較魁梧嘅都未必啱着,就連黨內幾名「行動組」成員都着唔落,認真慘 情。佢哋今次就學精咗喇,整多幾件加大碼,咁就身形大啲都可以着啦!

社民連正研究緊可唔可以做到網上訂購T恤,好多市民已經畀艾未未感動到,相信當中唔少都會買番件支持吓。不過依家件艾未未T恤曝光,內地廠家仲肯唔肯幫佢哋生產呀?

吳文遠好無奈咁話,即使係咁都冇辦法,初步估計如果成個生產過程都喺香港進行,成本一定升到過百蚊件,到時即使反應良好都未必有機會再出,呢件隨時係絕版 貨。其實艾未未同茉莉花革命嘅消息喺內地被全面封殺,有內地廠商竟然成功製作聲援艾未未嘅T恤,社民連就已經係好大成就喇,最終賣出幾多件,可能都係次要 喇。

Categories: 時事◆財經
personal training certification institute